{ .. يــبْــس : وتكسّر ..!

هذا الورق ..

يبس : وتكسر !

قم تعال ..

وانفض غبار الوعد : وتعذّر ..

ما دامني كنت ضمنك ..

كنت منّي وانا منّك !

لا تجرح الجرح الأخير ..

الألم فيه التأم ..

خلّك مثل أول ..

يوم انت لجروحي ضماد ..

اذكر اني أودعك .. ومن لهفتك ..

أغادر لقانا وأقفّي ..

ويصيح قلبي : عاد , عاد ..

ونرجع نكمل سوالفنا ..

نمدد في دقايقنا ..

يطول الوقت وما ندري ..

قبل ساعة ؟ قبل ثنتين ؟

متى قلنا فمان الله ؟

وتشرق شمسنا ونبقى ..

ويغادرنا السهر ,

والليل ,

والنجمة ..

ونتفرج انا وياك : قمر في ليلنا يغفا !

ونرجع في سوالفنا ..

نناظر ساعة الموعد !

يا الله !!

تأخرنا ..

ويرحل عننا الموعد ..

ونبقى في أماكنا ..

يوقّف طير ,

على ذاك الغصن ويطير ..

ولا حتّى يناظرنا !

يخبّيه الشجر بينه ..

فضولك يسألك .. وينه ؟

يجاوبك الورق : طار ..

تعالي اقطفي ثمره ..

عشان يلامس كفوفك ..

ويزفر هالشجر زفره ..

غصنه لامس كتوفك ..

وانا واقف انادي لك ..

خلّي الغصن :

لا يجرّحك شوكه ..

حتى من أغصان الشجر : أغار !

تذكرتي زمان أول ؟

تعالي الحين شوفيني ..

انا ويّا الشجر واقف ..

نصارح بعضنا بحبّك ..

ذبل جفني وتحسّر ..

والشجر ؟!!

شوفي الورق ..!

يبس : وتكسّر !

[ قاسي ]

قاسي : الصبح وإحساسي !

بدون شعور يقتلني ..

يعزّي باقي أنفاسي !

أنا صاحب أمل : متصاحبين ..

يفرقنا بعض هالناس ..

يعيّشنا الألم في يأس !

نصير أغراب ..

ما كنّا أبد أغراب !

تدُور الدنيّا : تتعبنا ..

تدوّرنا ..

تدوّرنا ..

ترجعنا في لحظة [ أمس ] !

وتغرب شمس ..

نمسّي الليل والظلمة ..

ندوّر في السهر كلمه ..

أنا ساهر مع غيابك ..

كَثر صمته !

أحاول أزعج أهدابك ..

أضوّي الذكرى في عينك ..

أنا ونجمه .. يسامرنا القمر بإسمه !

في ظلمة ليل ,

أحس الليل ما يدري ..

أشوفه غافي بحلمه !

سكوت الليل يزعجني ..

أبي ليلي معك صاخب ..

أنا آسف : أنا أحتاج لي صاحب ..

كثير أشياء أفقدها مع ليلي ..

يهيضني السهر وأشتاق !

مُشتت !

ولا أدري ؟

من اللي ساكن بصدري ؟!

كثير أشياء : أجرحها ,

وبدعي ربّي : سامحها !

الا يالله : سامحها ..