{ .. محتاج ..!

الحاجة أصعب من أماني وأحلام ..

بعض الأماني مالها أي قيمه ..

تطرد ورا حاجتك لسنين وأعوام ..

أبرك من أيام وليالي سقيمه ..

يا رب انا محتاج .. يا رب لي عام ..

انا فقدت شعور قد كنت أهيمه ..

الجرح ينبض , بس ماتت به آلآم ..

يموت إحساسك / من جروح أليمه ..

الحلم لى عشته , ترا واقعك نام ..

تخرج من أحلامك بإدينٍ عديمه ..

فارغ فكر , وتسلّم العقل لإعدام ..

تعيش في دنياك / لكن عقيمه ..

تعارك التغيير , تغييرك إلزام ..

مجبور إنك ترضى فيها هزيمه ..

من مصطلح عشته على مر الايام ..

حاجتك تمر بشمس / وتثبيط غيمه ..

ومصطلح عشته يسمّى / إستسلام ..

إنك تخاف الغيم , وتنسى نعيمه ..

لا تنسى إنك عشت , والصغر ما دام ..

كل شيء يكبر , لى لقى له عزيمه ..

يا حاجة المحتاج .. اللي انتظر صام ..

واقف على بابك يدوّر غنيمه ..

إن أفطرك مؤمن .. ويتمّم له صيام ..

وإن زاد يصوم عنك / فـ أجر وحشيمه ..

انا صريح الآن .. عنّي الوطن نام ..

صاحي مع شعوب بعضها / لئيمه ..

هذا ابنه المحتاج في داخله إسلام ..

ثمّ الوطن .. ثم الحياة السقيمة ..

اللي مضى عام .. وتسبقه أعوام ..

كلها ترا اوراق تطاير / هشيمه ..

الصبر تكفيرٍ عن ذنوب وآثام ..

يا موطني صبري ترا زاد ضيمه ..

السعادة إحساس / لى صرت لك خدّام ..

والحزن لى صرت أشوف الظليمة ..

اللي بنيته فكر , في واقعي أوهام ..

كانت (وظيفه) , (بيت) , (أسرة كريمه) ..

يا رب سخر لي الى رزقك زمام ..

ينوّر دروب مداها عتيمه ..

النصف من ديني بحاجة إلى اتمام ..

يا رب سخر لي .. بسيطه / عظيمه ..