" إلى أركان جمعتنا القديمه "
يا رفيقي كيفها دنياك قلي
باعدتنا حسبي الله ع الظروف
ما تلاقينا من الشهر المولّي
ذكرتني فيك حزّات الصلوف
يومني من عقب ما اصبح استهلّي
صبحي اللى ما يرخّي لي الكتوف
مستضيق وضايق فيني محلّي
بينه هموم تعانقني وتلوف
الوجد من دون ربعي صار خلّي
تعرف اثاره مع صفق الكفوف
ليتها الذكرى تعوّد أو تهلي
يومها اوقات لها قلبي شغوف
ضامي لجموعنا يا عين هلّي
للسنين الماضية ترني لهوف
المهم اخبارها دنياك قلي
ذكرتني فيك حزّات الصلوف
