{ .. تهيّض الليل ..!

البارحه كن الصدر مجرف السيل

الهم صخر وصدري بالهم ضايق

يا ليتها ما جاتني تهيّض الليل

صار الخفوق بداخلي امتضايق

غير الزمن ماله خوي حزة الميل

يهد حيلك لى نوى فيك عايق

يبين طبعه والهوى داخلك غيل

وتضيق نفسك من صدوم وحقايق

يالمبتلي لى هدتك هدة الحيل

وتعب الخفوق اللي غزته الغلايق

يلعن جروح الحب اليا امتلى الكيل

انسى وخلك بين الاوجاع رايق

ما هزتك من قبلها حزة الويل

خلك جبل لى صار بك قلب ضايق

{ .. آسف .!

احلامنا على الورق .. مثل السراب ..

صعبه الاقي غايتي أو مضمني ..!

لأن المحيط اللي يجاورني ضباب ..

آسف على هذي الصراحه (موطني) ..

{.. الله يعين ..!

ما صفا لي الوقت .. كل ما اقرب \\ جفا ..!

الجروح كثار .. والخافق حزين ..

مبتلي والله .. وبي دمعٍ خفا ..

منطوي بالجفن ..وفي صوتي يبين ..

علميني كيف أوصّل لك وفا ..؟

ان بغيتك قرب .. صرتي تبعدين ..

حيرتي وياك .. ما لقيْت دفا ..

تلتحف بالبعد .. وتبعدك السنين ..

ما لقيتك حتى في جرحي شفا ..

ولا نفع بي طب وانتي تجرحين ..

كل شمع الحب في صدري طفا ..

قلبي المظلم يتعّبه الحنين ..

الأمل بي شاب .. وفي قربك غفا ..

ولى بغيت الوصل .. قلت الله يعين ..

{ .. ستفوز هايدي ..!

 ستكبر هايدي في الفلبين ,

وسيكبر راكان ومعاذ في السعودية ,,

وسيصبحون كوادر صحيه تتنافس على وظيفة في السعودية 

(ستفوز بها هايدي)!