تجهزّي يا مسافره بكره لبيروت ..
لمّي الشناط اللي وسطها الدراهم !
حنّا شعب ما لقي له فقيرنا قوت ,
غنيّنا ان فطّره : ياكل غداهم !
ما يشبعه شيّ واذا صاحوا بصوت ,
كمل على السفره وخلّص عشاهم !
حنّا ضعوف نهايط بلبْس البشوت ,
فأعراسنا والجيب فاضي وواهم !
نعدّ الدراهم نصّها قروض فـ بيوت ,
وفي كلّ سهم لى نزل نبغى نساهم !
شبابنا همّ الوطن لو ماتوا يموت ,
من بعدها حب الوطن ميّت وراهم !
والاجنبي لى برد فـ بلادنا كوت ,
يسحب من الشعب السعودي دفاهم !
فينا شهامة وشعبنا اليوم مكبوت ,
حبّ الوطن يطول ونبقى معاهم,
بس الفلوس اللي بتسري لبيروت ,
الدار أولى في شنيط الدراهم !