{ .. صباح الخير ..~

 

صباح الخير ..

يا دفا حضورك مع برد الصباح ..

انتي معطف وارتمى لـ كتفي بهدوء ..

فجأه ..

وطاح ..

,,

صباح الخير ..

يا دفا صبحٍ .. وراح ..

كنتي لمحة ماضي .. او كنتي جراح ..

المهم .. يا هلا بك ..

هي دقيقه ومرحبا بك ..

انقضت بي في وداعك ..

..

يا حلاتك ..

برواز عينك زينته الرموش ..

غمازتينك وابتسامه ..

وحبة الخال اللي غدت عـ الخد شامه ..

اقربي لي ..

بفطر عسل ريقك ,, واغادر..

,,

ولا اقول ..

آنا يكفيني النظر ..

ودعيني وارحلي ..

يا صباح الخير ..

,,

{ .. ما انتهينا لأي ميناء ..!

 

اتركيني ..

بعد هجرك ..

مثل اشلاء السفينة ..

انتي بحرك .. هوّ غدرك ..

بـ عمقه عيوني حزينه ..

,,

ضاعت بوسطه الدموع ..

وانكسر في قربي قارب ..

كنت اقرب له بهجوع ..

وانتهينا ولا به ميناء ..

وابتديت الحين أغرق ..

وانهدمنا .. وانكوينا ..

,,

يا خساره ..

كانت احلامي تجدف ..

وبمراره ..انكساري ..

 ما لقى منك تأسف ..

,,

كنت في لحظة افكر .. انك اغلى مني وأكثر ..

حتى لو فكري نساك ..

اتكدر وآتعذر ..

وادور لصوتك بكلمه .. وانتظر زولك وألمه ..

ولو تركنا بعض ليله ..

صدري بتمنى لقاك ..

انتي نِسمه ..

انتي نِسمه ..

,,

وآه يا بحرك غوير ..

ما حنِّ لجروحي الكثير ..

يا قساه .. ينسى حبي ثم يقسى ..

يا أساه .. صرت أحبك وانت تنسى ..

لملميني وسط بحرك ..

اتألم جرح حبك ..

ويا خساره ..

انهدمنا ..وانكوينا ..

وما لقينا أي ميناء ..

وكان بحرك " والله " قاسي ..

ما رحم موجه احساسي ..

,,

وصرت انا حطام السفينة ..

وموجة بحر .. كانت حزينه ..

,,

اتركيني ..

بعد هجرك ..
وإرضي الموجه الحزينة ..!

{ .. مدري بتلاقينا الصدف ..؟!

 

انتهينا ..

من بعدها ما التقينا ..

صرنا ماضي وذكريات ..

صارت شوارعنا مثل باقي الشوارع ..

نفس الملامح والرصيف ..

لا شعور ولا محبه .. ولا مواعيد الأحبه ..

انطفى كل نور فيها ..

أنْهدِم منها واجيها ..

,,

انتظر لمحة صدف ..

والتقي بك واعترف ..

اني فعلا كنت احبك .. واني باقي " ايه احبك ..!

,,

يا سحايبنا مطر ..

الصدف يا رب تمر ..

بنتظرها يا مكاني .. فيه امل ترجع لي ثاني ..؟!

حتى لو غابت سنين ..

بأبقى صحراء بلا مطر ..

,,

ما اتعذر بالظروف .. حتى لو عندي ظروف ..

انتي قبل الناس كنتي .. وانتي قبل الناس صرتي ..

في طريقي انتي ظل ..

في كلامي كل كلمه .. لك بها طاري ومحل ..

مدري بتلاقينا الصدف ؟!

باقي عندي فيك أمل ..!

,,