{ .. صباح الخير .. يالضيقة ..!

,,

 

صباح الخير يالضيقة ..

سحبتي لحافي الدافي ..

وصحيت من الوله بردان ..

,,

ادور في الصبح شمسك ..

يغيبها جفا وكتمان ..

,,

صباح الخير يالضيقة ..

,,

جروحي للشجر تشكي ..

من الواقع .. من احزاني وشقا أمسي ..

ودموعٍ في الندى تخفي ..

يسيّلها الورق وتبان ..

,,

صباح الخير يالضيقة ..

,,

انا لوني .. ورق يابس ..

تطيحني هبوب وريح ..

تحت جذع الشجر وآنام ..

,,

صباح الخير يالضيقة ..

,,

انا اسف .. على همي ..

على الضيقة على جرحي ..

حبيبي للأسف .. برحل ..

حبيبي لا تناديني ..

حبيبي لا توادعني ..

يفرقنا الزمان ازمان ..

,,

خذ اشيائي .. مع جرحك ..

خذ احلامي .. مع بعدك ..

خذ الماضي .. انا امسك ..

انا همسك .. انا اللي كان ..

,,

صباحك خير يا جروحي ..

صباحك خير .. ما طبتي ؟

انا بمسي .. فمان الله ..

فمان الله ..!


,,