[ قاسي ]

قاسي : الصبح وإحساسي !

بدون شعور يقتلني ..

يعزّي باقي أنفاسي !

أنا صاحب أمل : متصاحبين ..

يفرقنا بعض هالناس ..

يعيّشنا الألم في يأس !

نصير أغراب ..

ما كنّا أبد أغراب !

تدُور الدنيّا : تتعبنا ..

تدوّرنا ..

تدوّرنا ..

ترجعنا في لحظة [ أمس ] !

وتغرب شمس ..

نمسّي الليل والظلمة ..

ندوّر في السهر كلمه ..

أنا ساهر مع غيابك ..

كَثر صمته !

أحاول أزعج أهدابك ..

أضوّي الذكرى في عينك ..

أنا ونجمه .. يسامرنا القمر بإسمه !

في ظلمة ليل ,

أحس الليل ما يدري ..

أشوفه غافي بحلمه !

سكوت الليل يزعجني ..

أبي ليلي معك صاخب ..

أنا آسف : أنا أحتاج لي صاحب ..

كثير أشياء أفقدها مع ليلي ..

يهيضني السهر وأشتاق !

مُشتت !

ولا أدري ؟

من اللي ساكن بصدري ؟!

كثير أشياء : أجرحها ,

وبدعي ربّي : سامحها !

الا يالله : سامحها ..