{ .. بعد عامين ..!

جيتي بعد عامين وعيونك وساع

والثغر ماهو ثغر .. الا نبع توت

ما غيّرك عامين .. هي نفس الاطباع

رقة حديثك تشغل الفكر في الصوت

من حسنها في عز ليلي البدر ضاع

ومن غنجها .. كل المشاعر لها قوت

قلبي لها كأنه اليوم طماع ..!

سوا فرح في قربها ووزع كروت ..!!

كلٍّ حضر .. الا الورد عيّا .. ما طاع .!

لو هو حضر .. وشافها .. يمكن يموت ..!

{ .. صِــــبَــــا ..!

,,

 

صبا ..!

في عيونها حلو الصبا ..

وفي عمرها طفل ٍ حبا ..

يا رقته ولمس الكفوف ..

يا زينة الدنيا صبا ..

بكى ..!

يا حلوها وقت البكا ..

ويا حزن نظرآته بخوف ..

تلامس شعورك دفا ..

وتحرك القلب العطوف ..

والثغر لى منه هدأ ..

وذبلت اطرافه كسوف ..

هي وردةٍ ولا صبا ..؟!

عجزت تجاوبني الحروف ..!

في ضحكها حزني غفا ..

من تبتسم كل شي يشوف ..

لحظة خجل .. في يدها ..

تلتم في الثغر الكفوف ..

تضحك صبا .. تبكي صبا ..

دنيا لها قلبي شغوف ..!

..