يا مسافر ، من بلادك لي بلادي ..
عبّر اشواقي وسولف : في غيابي
لو سألك اللي بجوارك ..
وش سبب هذا السفر ..
وليه جيت لهالمطار ؟!
جهّز ( الكذبه ) : وسلهم كلّ عيونك ..
علّمه انك مقصّر .. لك حبيب ..
اتصل امس امتكدّر !
قال لك :
" صدري فَضَا .. لكنه من حبّك
فِضَى !
تعال لي مشتاق لك ..
الموق : دمعه ما قِضَا !
"
رحت ارتب له قدومي ، والامتعة كلها : همومي !!
قررت إنّي اليوم اسافر ، وقلبي من البارح مضا !
تصدّق انه حسّ ؟!
مدري !
ليه قلبي به غضا !
* * *
* *
قاطعة جاره المسافر :
هذا هو قلبي رضا !!
انا اللي رايح لى بلاده !
متلثّمٍ : ما ابغاك تدري !
بسّ ارضي شوق صبري !
جيت لبلادك اشوفك ..
اختبر اسوء وعودك !
مرتاح في غدرك وكذبك ؟!
* * *
* *
لو طلبتك ( صدق ) تحكي ..
هذا انا غطيت وجهي !
اعتبر اني مسافر ..
اكذب عليّ الحين : جاوب !
عطني وش كانت ردودك ؟!
قال لي والخد : يضحك ..
" آنا من جد متأسف .. آنا من
جد متحسف ..
لان الكلام اللي نطقته : من زمان أنا كتبته !
كنت اجهز لك مشاعر .. والله ما جهّزت ( كذبه ) !
من متى وآنا اسولف ؟!
والخجل طبعي وعيبي !
بس آنا اعترف لك ؟!
دايم اسافر عشانك ..
واجهز الحزن واجيك ،
ويسبقني القلب ويجيك !
في كل رحله ..
تدوّر عيوني مسافر ..
ما تلاقي في الوجيه : اي وجه عابر !
شفت هذيك المرآية ؟!
اكثر شخص في المطار : سمع كل هذي " الحكآية " ..
دايم اجر خوفي ، بين جَمْع مسافرين !
اخاف تفتنهم وصوفي !
ويحبني شخصٍ معك ..
والقلب وحده : يوسعك ..
ويزعجك وهو يطرق ضلوعي !
ويفسد : " احبك " فـ مسمعك !
كنت اسمع : يالله .. حنّا مغادرين !
وابدأ : أرتبك ..
وكالعادة أوصل لي مقابل حضورك ..
واتلعثم في وجودك : بالخجل !
هذا طبعي اللي تحبّه ..
هو قتل حبّي فـ عيونك !
أوهمك إني اخونك ..
صرت اشك انه يغار ؟!
وكلّ ما رتبت حكيي ..
اتلعثم وما اقدر : اسولف !
وانتظر لك وعد : ثاني !
وفي انتظاري ..
اتفاءل ..
وارتب كلامي ،
لين آسافر من جديد ..
وارجع وانا كلّي ندم !
من الوريد : لآخر وريد !
.
