أنا آسف ..
على كل اللي انتهى بيني وبينك ..
أنا آسف ..
ماعاد تنفعنا ..
العواطف ,, الذكريات القديمة ,, الوفاء ,, السوالف ,,
أنا آسف ..
ما انتهى ذاك الطريق .. اللي يمشينا سوا ..
ولا ابتدا ذاك الفراق .. اللي ينسينا الوفاء ..
كل الامور اللي تحسسك الأسف .. ماهي السبب ..
افهميني ..
دامها احزانك تحسسني الندم .. وما يأنبني الندم ..
انتهى حبك ...؟؟!
اصلا ما ابتدا ..!!
لا تحسبين السوالف والوفاء كل المحبه ..
ما رضيت اصلا أحب ..!
ولا جبرته قلبي اللي ما يحبك ما يحب ..
المسألة بين الضلوع .. ما رخصته ..
قلب شامخ لأجل امه أو خواته أو اخوه أو ابوه ..
ما يدنسه الغواء ..
ولا تمسينه بهوى ..
مشكلة لى صار مفهوم المحبّه في الشوارع .. وان الرصيف اللي يلاقي بينهم ذكرى قديمه .. والعيون اللي تناظر ثم تحب .. عين حزينه ..!
ما تحسسنا العواطف يا رهيفه ..؟!
كيفها ايامك بدوني .. جحيم ..؟! , أو كآبه ..؟! , ولا ساعاتك مع غيري تشآبه ..؟!
أنا آسف لحزنك .. يا رخيصه ..!
ما توقعتك لأجل بٌعْدِي بتحزنين ..
ولا توقعتك تقطفين ( الزهر الاحمر ) لاجل ذكراه الرصيف ..
ولا توقعتك تقطفين ( الزهر الابيض ) لأجل ذا الحب العفيف ..
يا سخافه .. ما توقعتك بكل هذي السخافه ..!!
أنا آسف .. يا سخيفه ..!!
ما اكتويتي من راعي الجنز الابيض .. وما تعلمتي درس ابو عيون زرقاء ..
ولا الاشقر , ما تذكرينه ؟!
ولا لحضه ..!
هذاك الاسمر .. صاحب الصوت الجميل .. اللي يغني لفريد الاطرش .. تذكرينه ؟!
دقي ارقامه الثلاث .. يمكن عواطفه القديمه تهجيت ..
يا خساره ..!
جواله مقفل ..
قلقتي عليه ؟!
يا حلاته قلبك اللي لويحب .. ما يخون .. يا سخيفه ..!
أنا آسف ..
مشكله لى صار قلبك منتجع شاطئ كبير .. ولى وصفنا حبك اللي قد تعنّا في الهوى بحر غوير ..!
واقفٍ عند طرف بابك .. اضرب اجراسك اغاني .. ترقصك في وسط بيتك ..! , تغنّج الوسط الشريف ..! , وتطرب القلب النظيف ..!
وتفتحين ..
عفوًا .. لو سمحتي في يديني أمتعه .. "عاوز اسبح في بحر حبك شويّه" .. تسمحين ..!!
وتسمحين ..
وادخل اسبح في وسط بحرك واهيم .. واكتب قصايد في بحور الغزل ..
واخرج اتنشف .. وفي قاموس الصداقة .. ضابط وجندي واستاذ ودكتور .. وموظف أرشيف .. شاف اسمك في الملف .. وارسل لشخصك بطاقه .. عربون جنس وعلاقه .. وانتهت ذيك المحبّه .. وانتهينا يا زمان ..
أنا آسف ..
لأنها نبرة حزينه .. تدنس المعنى وتهينه ..
أنا آسف ..
يا اساس الحب منّك أنا آسف ..
لا تحسب انها جروحي عواطف .. كانها تنزف ولا بيدّك سبيل ..
الزمن ضيّق عليّه في الطريق .. وخلّى مشواري القريب .. يصبح بعيد ..
لكن اهدافي ثوابت .. ما يغيّرها سخيف ..
وعلى الطريق .. ماشي ولا تزعزعني ظروف ..
يا عيون الحب .. ناظر لقلبي وشوف ..
ان المحبّه للرؤوف .. ثم الرسول ..
ثم اهلي ..
ما يدّنس حبّهم شخص سخيف ..
أنا آسف ..
ياللي في علم الغيب كنتي .. وان قدمتي .. مكانك بحضنه وسيع ..
بس لى منّي خطبت .. اطرقي ابوابه .. تفتح لك اضلاعه .. وقدمي الرجل اليمين .. واحجزي لطفل رضيع ..
أنا آسف ..
