{ .. شيٍّ دفين ..!

عايشين .. وما بيننا شيٍّ دفين ..

حب ..

وانفاس مستحيه ..

وبعيوننا الخجلا يبين ..

ما قدرت اني ابوح ..

ولا قدرتي تفضحين ..

شمعتين ..

وكل الحكاية ..

ما بيننا شي دفين ..

..

في كلمتك .. نبرة محبه ..

ومن ضحكتك .. قلبي تنبه ..

والجو غيمه ما مطر ..

وترددت به غيمتين ..

..

يا عيون الحب دمعاتك تحيّر ..

ما دريت ان الهوى صوبي يسيّر ..

وان القلوب اللي تحب دايم تخاف ..

ولا قدرت افضح مشاعرنا .. اخاف ..!

آه من لحظة لقاك ..

قربك اللي دايم ادفى في حضوره ..

كل ما اقفى ..

اخذ الذكرى لحاف ..

..

ويا مراسي الحب وينك ما اشوف ..

بحرها صعبٍ وعاشقها شغوف ..

عاشقك .. في خاطره لك كلمتين ..

عاشقك في قلبه خوف ..!

,,

خبريه ان المشاعر ما حكت ..

وان النظر بعيوننا ..

ما بين لهفات ومحبه ..

والقلوب اللي اقربت ..

محتاجه كلمه واتنبه ..

ومن عقبها ..

في كل لحظه لك اقول :

يا زينها ايامي معاك ..

متكحله بعينك سماها ..

ومن بسمتك تاخذ حلاها ..

ورموشك سهام وتصيد ..

والقلب ينبض من غلاها ..

..

ومن حبنا .. عايشين ..

ونفضح الحب الدفين ..

ومن داخل احساسي ابوح ..

وبعينك الخجلا يبين ..

وتفضحين الحب .. واسكت ..

أتأمل عيونك واهيم ..

..