اعتزلتك يا قصيدي قبل ما اكتب اعتذاري
لواحد قد كان يجرح خافقي ثم يستوده
ما يعالجني علاج بعد ما فارق دياري
كنها جروحي تشافى لى لمسها بكف يده
ما بغيته يا قصيدي يؤلمك كثر انحداري
الحزن والضيق الاول ذا الزمن قام يسترده
ما هقيته يا قصيدي لاخر جروحي يماري
ضيق القلب المعنّا من سبايب مستبده
يا صحيبي لا تعاتب ما بقى غير انتحاري
خلك اللي لى نواني ذا الزمن اصبحت ضده
يا صحيبي ويش بشكي كانها ايامي طواري
ضيقوا صدري وانا اللي واسع صدره لحده
الحبايب في الليالي والعواذل في نهاري
يعلم الله ما هنا عيني رقاد في مخده
ما تشوف اللي عيونه قد تسمت بالسهاري
ما كفاه النوم يوم حتى غفوه ما تسده
