" وداعــيــه "

ماعاد به حيٍّ على القلب ياخــــوك

كلٍّ تركته لأجــــــــــــل قوّ المحبة

النفس طابت والـبــلاوي تـولّــوك

مسكين يـا قلـب ٍ خـذا البعــد طبّه

ما قويت الحب يا قلبي ؟! .. استريح ..

خلّ مافي القلب ينبض في سعاده ..

ولا تبغى الناس تدعيك الجريح ..؟!

لا تحد الناس وتخليه عاده ..



" بيت الطين "

,,

,,

يا عوين صدري في غيابك ومقفاك
طالع وداعك قام يزعزع ركونه

ما كنه الا بيت طين في ذكراك
ماعاد منه غير هدت حصونه

اصبح هزيل وامتلى قاعه اشواك
ماعاد به صحبٍ تجروا يجونه

كل هجره وتسمعه بعد هجراك
ريح وصرير الباب وزفرة سكونه

تغدي النوافذ لاجل شوقك ولاماك
عيون بيت و تشوشر جفونه

" الورد "

,,


,,


,,


ماتت اوراقه وشكى .. مالت اوراقه وبكى ..
دمعه على ذاك الجسد .. يبين الحزن الدفين ..
وش حيلته لى من حكى .. وما به خفوق يسمعه ..
وسط الظلام ..
كنه يحاكي ظلمته ..
واطرافه اللي ميّلت .. كنها استحت .. بتخبي الدمع الكثير ..
وبتحضنه ..
قبل الرياح العاتيه .. ما تشتت اطرافه ويبين ..
وتفضحه ..

’’

كنه وسط ظلمة مكان .. يتذكر الماضي زمان ..
يومه الحبايب التقوا .. وتسابقوا .. من يقطف الورد ويموت ..؟!!
وينعش الحب القديم .. ؟!!
ماحد سبق ..!
كلٍّ سبق ..!
ما اذكر اللحظه كثير .. لأني فارقت الحياه ..
وانتعش حبٍّ قديم ..

,,

لسماعها صوتيه " هـــنــــا "

خلت عذرها " الموعد " ..!!

,,


,,


موعد ..!!

ما تخالفنا على موعد ..؟!

وش اللي مضيقه قلبك .. قبل " موعد " ..

جرحتك ..؟
أدري .. لكن مدري ..

انا رتبت لك موعد .. وانت ( متلهف ) لـ " موعد " ..

انا في خاطري لك عذر ..

وانت تجهز عتابك .. والزعل .. واقف على بابك ..

تأخرني ظروف الوقت .. والزعل .. يطرق أبوابك ..

دخل بابك ..

وخذيت العذر في " موعد " ..؟!

وانا برأته " الموعد " ..


,,


,,

تضآيقنا قبل " موعد " ..
وخلّت عذرها الموعد ..!!

تضآيقنا قبل " موعد " ..
وخلّت عذرها الموعد ..!!

" الـمــســاء "

هذا المساء .. يعرف همومي ذا المساء ..
هذا المساء .. يعرف شقايه ذا المساء ..

ليه المساء .. للعاشقين ..!!
ليه المساء .. شخصٍ حزين ..!!
ليه المساء .. ليه المساء .. ليه المساء ..

,,,

قلبي يعذبه المساء .. عيني يغرقها المساء ..
ليه المساء .. ضيق قلوب العاشقين ..!!
مثل الظلام .. وهو الظلام ..
مثل السواد .. وفيه السواد ..
ليه المساء .. عذب حياة المغرمين ..!!
ليه المساء .. ليه المساء .. ليه المساء ..

,,,

حبيبتي ..
لا لا تجين ..
موعد لقانا انتهى ..
بكره النهار بنلتقي .. وخلي المساء للعاشقين ..
اسف ..
خلي المساء ..
لـ اللي يتعبه الحنين ..
لـ اللي يكدره الهوى .. والحزن في صدره دفين ..
لـ اللي ضلوعه تشتكي .. قلب ٍ شكى نبض ٍ حزين ..

,,,

بكره اللقاء .. الى اللقاء ..
ماعاد ينفعنا ذا المساء ..

" مـــوعـــــد ..!! "

,,

تواعدنا انا وانتي .. وقلت ان اللقاء بيحين ..

حضرته قبل موعدنا .. وانتي اللي تأخرتي ..

حسافه ما تلاقينا .. وانا باقي الين الحين ..

ورق هذا الشجر يبّس .. تكدر من تثاقلتي ..

غريبه يا بحر موجك .. يلامسني بلا يدين ..

وكنّه حس بالفرقى .. وانتي ما تحسستي ..

حسافه وش بقى فيني .. عليك الله لا تجفين ..

بقايا اغصان والشاطئ .. تحرّوا جيتك انتي ..

مشت ساعه على الموعد .. مشت ساعه مشت ثنتين ..

وعشان البحر ما يشمت .. سألني ؟ .. وقلت : تعذرتي ..!!

" حــكــى بــابــه "

’’

’’

على بابه .. طرقت الباب ونادى له ..

جرحني بابه يومه قال :

عفوًا .. لا تدق الباب ..

,,

حكى بابه :

ترا الخاطر كسره البعد .. وترك من همّه منزاله ..

,,

حكى بابه :

انا البارح تحاكيني الشبابيك وتشكي احواله ..

تقول انه يلملم اغراضه .. والدموع احزان .. وهماله ..

تقول انه يعطف ثيابه .. ويجهز ثوب ترحاله ..

,,

حكى بابه :

يلامسني قبل يهجر .. ومن كفه تحسّ حاله ..

,,

حكى بابه :

قبل يرحل .. وقف يتلحف بشاله ..

وقع شاله .. ولا شاله ..

,,

بكى بابه ..!!

,,

" مغترب ..! "

مغترب ..!
وضاقت بي الدنيا ولا عندي السبب ..
انتي السبب ..!!
لا ترجعين .. خلي في قلبي الحزن .. ما رضى هجر الضلوع ..
اخاف لو قلتي بتجين ..!
يضايقك ضيم الحزن .. لأنك لقلبي بتجين ..!!
لا ترجعين ..