لــيْــلــيّــات
المدونة : دومًا تكون مساحة ضيّقة , لقلبٍ كبير !
الجمعة، 4 يناير 2013
{ .. ابتسامتك !
ابتسامتك : تقتل !
وأنت تدري , من أنت ..
ما يحتاج باسمك أصرح وألمح !
بس ذكرني الحنين ..
والمطرب اللي : تعشقين ..
واذا قصدك , اشتقنا ؟!
لا .. لا ..
من زماااان افترقنا ..
ما قصدي ترجعين !
بس عادي : تسلّمين ..
الاثنين، 31 ديسمبر 2012
{ .. الريش !
يا بقايا ريش , من طير الغرام !
هفهفك ريح التجافي وارتحل ..
راحله بشويش , من دون السلام ..
يا طيور مهاجرة خلّي رحل ..
علّميني كيف أوصل له كلام ..
دوّري له حتى لو بأقصى زحل !
اتبعي جرّة تغاريده : كلام ..
يترك آثاره نغم في كل محل ..
كفّها الناعم مثل ريش النعام ..
ريقها منبع من اطراف النحل !
عنقها بينه وبين الصدر عام ..
خدّها مثل الشفق في كلّ حِل !
واسئليها يا طيورٍ في الغمام ..
ليه خلَّى الريش ذكرى ثم رحل ؟!
رسائل أحدث
رسائل أقدم
الصفحة الرئيسية
الاشتراك في:
الرسائل (Atom)