تنام عيني على هموم وتشاويف

ويضيق صدري قبل ما تنام عيني

{ .. نــبــض ..!

احبك لا تشاورني في حبك يا وليف الروح

احبك والخفوق اصبح ينادي لك في نبضاته

سمعت البارحه اسم يجي في داخلي ويروح

عرفت انه نبض قلبي يغني بك عباراته

سكت اسمع اذاني كلام القلب وهو يبوح

 همس في اذني احبه حيل ولو بعدت بي خطواته

تعال وقرب خطايه على درب الهوى مسموح

 ابي اقرب عساني منه اخذ كل كلماته

تعال وترجم احلامي حقايق والوصل مطموح 

 يلامس من طرف يدك ويشعر بك في اوقاته

ويضاحك من همس حرفك سوالف بين جد ومزوح

ويداعب حمرة شفاهك ببسماتك وبسماته

ويرسم في السما عينك بدل شمس السما وتلوح 

بيدك كالسحاب اللي يبشرني بزخاته

حسبتك يا الهوى قاسي وحسبت الحب فيك جروح 

اثاري الحب في ( فلانه ) يداوي كل اهاته

بنيتك في الحشا واسكن خفوقي والوهم منزوح

 يفارقنا بطيبة قلب ويتركنا وعثراته

تركتك في خفوقي ولا تحسبني بنيت صروح 

 محاني صدري لك ملكك وخذ قلبي بنبضاته

{ ..آتوكز عصاتي ,,

يالله ترني من محبتها محروم
ماغير احاكي ذا العرب هي وصاتي

انا صغير السن والشيب مزحوم
كني كهيل واتوكز عصاتي

لا تحسب اني يوم احاكيك بآنوم
عيني سهرها الليل والدمع عاتي

ماعاد بي حيل ٍ عليه اقدر اقوم
الارض ما عادت تحمل مشاتي

كله سبايب من خذا قلب مضيوم
يا ليتني داويته قبل الفواتي

الصبح قمت وصدري اصبح به علوم
ضلعي تركها تسرق القلب .. وباتي

ما كنه اللي يحمي القلب ملزوم؟!
مرتاح دام اني اعايش حياتي..!

وان كنت اعاتب ضلعي يوم بعد يوم
ما قصدي الا شي في وسط ذاتي..!

القلب راح وضاق صدري من اللوم
يا ليتني داويته من قبل تاتي

جسم بلا قلب تركته على السوم
وان مت يا ربعي فـ هاكم وصاتي

خبر وليف القلب وقلبي معه توم
قله صحيب القلب لاقى المماتي

خله يزور القبر يسلم على القوم
فرصه يجيني في مراسم عزاتي

ما دام هذا الشي يجيبه على الدوم
يا ليتني كل يوم القى وفاتي

 

تــوبــه ..!

لى ادمنت في حبك ترا القلب بيتـوب مثـلـه مـثـل ذنــب قـبـل عـــام تـبـتـه

مرت سحابه صوب وانته مع صوب كل قفانـي ويـش هـو اللـي استفدتـه

بقطـع وفانـا وانــت تـدريـه مكـتـوب مـاهــو بـكـيـفـك ولا كـيـفـي كـتـبـتـه

امر طرا بحكم القـدر فرقـى القلـوب اسمـك نسيـتـه مـثـل مـانـي حفظـتـه

الارض تنبـت وانـت مايـل للـغـروب وهذا خفوقـي قـال لـي الزيـن عفتـه

والشعـر مـنـي لا تـغـزل بــك بـنـوب هــذا الـقــدر خـــلاه يـكـتـب تـركـتـه