{ .. يا عين ..!

يا عين وش لش بالسهر والمواصيل

قالت : في وسط القلب ضيقة رديّة

قال القلب : يا عين خلّي التهاويل

خِلِّي يمون وضيقة الصدر بيّه

ردت عليه العين : جفني امتلا سيل

والله لو تشكي لأبيّح ما فيّه

شكى القلب .. والدمع دربه تساهيل

والله يرحم حالتي بك شقيّه

{ .. احساس بسيط ..!

ما أحس انها لي .. ولا شعرت ان الهوى بيننا عايش وحيّ ..
زادت الزفره بداخلي .. يا كثر ما ازفر ولا هانت عليّ ..!
,,
طبعي بسيط .. ما طرقت الصعب ولا خذته طريق ..
دايم خفوقي يحب .. ودايم انا صدري يضيق ..


.....

{ .. الله يعين ,, الله يعين ..}

بفارقك .. لأجل الهوى ما يجرحك ..
لأجل الخفوق .. اللي ملاه الضيق وعيّا لا يزاح ..
عهد وراح .. ماعاد تنفعنا الجراح ..
يا ضاميه ..
فيني أنا قلب رضيع .. مرت عليه وردة ربيع ..
متشبثه بصدري انا .. تعانق احزاني وفا ..
راوي ضما .. والحب فيني ما هَنَا ..
الله يعين .. الله يعين ..
,,
ضيّق علي .. وسع الفضا ..
ماني جريح واشتكي .. لكن تباريح الهوى ..
يا زينة الدنيا يا قبلة مكان ..
يا عينها اليسرى في عيني تنام ..
باقي جريح .. والجرح لسّا ما التأم ..
قلبك صريح .. وقلبي انا ما يشتكي نبرة ألم ..
يا كيف انا ما أسكت .. وانتي كل طبعك سكوت ..
كل الورود يبست .. متكدره وعيت تموت ..
فيها أمل ..
لحظة لقانا تنتظر ..
عين المحبة لو تنام .. يمكن يصحيها كلام ..
وتمر تهديني السلام ..
الله يعين .. الله يعين ..
,,
أدري انك من كلامي تهمسين ..
إبعد ترا ضاق الفضا .. والعين عيت لا تنام ..
لا تسمعين ..
لكن شعوري يختلف ..
لأجل الحنين .. في داخلي لأجلك أسف ..
لأجل الهوى ولأجل الغلا .. كانك عرفتي وش غلاي ..
القلب اصبح ينجرف .. ومات الأسف ..
لا تهمسين ..

,,

والله يعين .. الله يعين

{ .. جذعها ودّع جذور غابه ..!

يا مبري الضيقه من البال فضلين 

انعمتها من نعمتك ما تشابه

الصبر كاس يشربه كل ضامين

يدفن عطش قلب العشيق فـ ترابه

وسحابة النسيان يا ربي تبين

غصن الشجر في صدري وده سحابه

يا حالي الضامي من الحب مسكين

حظك غدا من صيد امس ومصابه

يمكن يحن الوقت من حالك الحين

ولا يجي باكر يزيد التهابه

يا باكر اصبر لا تجي تبلل الطين

خلني على وهمي اطرد سرابه

لو هي على غصن وورق كان يا زين

الا جذعها ودع جذور غابه

{ ..ما فهمت ؟! ..

ما فهمت ؟! ..
اسئلي القلب اللي تايه بالمحبه .. ما فهمت ؟!
عجز الهوى فيني ولا عجزت ..
كم من طريق قد سلكته ولا تعبت ..
اعرف تباريح الهوى .. وانتي وانا .. في ذا الطريق ..
و لا به احد فينا درى .. كل تظاهر له " رفيق " ..
,,
لا تحسبيني في عيونك ساهي ٍ ما اعرف خطاي ..
والله اني قبل ما ارحل .. ممتلي صدري بهواي ..
ما تركت الناس تشكي .. ولا تركت الناس تعشق ..
قلبي واحد .. من عرفته .. ما يعرف الا المحبه ..
فيني الهوى باقي ينوح .. جرح عميق ..
وانتي ترا طب الجروح .. ما ابغى الصديق ..
في داخلي حزن وضيق .. حزن وضيق ..
,,
تدرين .؟!
كل ما جيت أبحكي .. ترددت كل الحروف ..!
كأن الحكي فيني يدري .. ان المحبه فيها خوف ..!
وان الهوى طبعه قسا .. والحزن في وسطه يلوف ..
,,
ما تفهمين ..!
كل السوالف ما بيننا .. ولا تفهمين ..!
أفهمك .. والخفوق اللي حكى من داخلك .. هوّ افضحك ..
ادري بطبعك .. لكن القاسي يلين ..
لى بلله ريق الهوى .. ملّ القسا ..
وكل المحبه في وسط قلبه تبين ..
ما تفهمين .. أنا افهمك ..