{ .. غصن شآرد ..!

انا ذابل .

من أجواء الحزن بارد !

انا أوراقٍ من غصونك ..

تحت جذع الشجر : شارد ..

من رياحك ,

من جراحك ,

من أصوات : العطش , لى كسّرت بك غصن ..

وغدا مثلي : غصن شارد !

{ .. غصـــن ..!

جذع يابس ..

لا نبات ولا ورق !

ما تظلل به عابر ..

عطشان :

ما بلّه غرق !

بس صابر .. ويكابر ..

في وسط صحراء ..

عاش ميّت من سنين ..

وموتته عيّت تبين !

واقف ,

تجاعيد الزمن في غصونه !

وكل ما مرّوا : يكسرونه ..

يفقد من أغصانه ,

,,

غصن :

كان يكابر / واحترق !

{ .. طحت من عيني !

طحتِ من عيني , وكل ما جيت أشيلك ..

غارت الدمعه وهي فوق الخدود !

ليه أرخص دمعتي وابكي رحيلك ؟

والدمع لي راح لا يمكن يعود !

العذر ما جا , وصعب إني أجيلك ..

ما أطيع العاطفة , وقت الصمود !

في محلّي واقفٍ أرقب سبيلك !

يا عساه اشتاق , من شوقه يجود !

{ .. مستوطن ..!

انا مثل الوطن لى حنّ ,

واشتاق لأطفاله !

يكدّرني الغريب ليا استوطن دياري !

وغدا يلعب على " ترابه " !

بنا بيته : من ترابي ,

ومن ترابه : دفن بيتي !

غريب الدار : من أغرابه !