{ .. أحلى البشر في جيتك / شخص عادي ..!

أفتح شبابيك الهوى واسمع خطاويك .. 

مثل الوتر في يد أسامه وعبادي ..

كل القصايد والشعر ما تكفيك ..

أحلى البشر في جيتك / شخص عادي ..

ما شفتي اللي واقفينٍ حواليك ..

مثل الشجر لى يبّست / وانت كادي ..

كل العيون مسلهمه / ناظرت فيك ..

وكل الرؤوس الشامخة / منك وادي ..

أجمل مراسيم الحفل / صورة ايديك ..

ووجنتك في حضنها / خد غادي ..

واللي انرسم من فوقها / هو محليك ..

ياللي رموشك ظلها لكل حادي ..

وأجمل تعابير الخجل / في حكاويك ..

ربي خلق صوتك للأسماع شادي ..

ياللي خفوقي لى نبض قام يناديك ..

ويطربه ردك بـ : ( لبيه يا منادي ) ..

( .. يا عيد .. أفتقدهـ ..!

يا عيد .. انا في خاطري شيّ / وأفتقده ..

ما اقدر أعبر عن شعوري وإحساسي ..

لي شخص غايب من زمان وله مده ..

شفت الزمن يا عيد .. وش كثر هو قاسي ؟!

ما هزني يا عيد في البارحه قدّه ..

صحى بي الدمعة / وهي شيّبت راسي ..

يا عيد انا آسف / على الزفره .. والنهده ..

يا عيد انا آسي .. يا عيد انا آسي ..

أجبرني شعوري على شعوري بالشدّه ..

لو عيشته في يدي / قاسمته انفاسي ..

بكره بعيّد على الناس .. وأعدّه ..

برسل لجواله .. ولاني له بناسي ..

وريث رقمه بين ذا الناس بآصدّه ..

لى دق يسألني .. برسله أقواسي ..

( صاحب الجوال مفقود وله مده ..

سلم على رقمه / وقل نغمة أجراسي )