ماني من اللي لى تثاقلت بآجيك
ولاني من اللي بيلحقك يستودك
انت الذي حبيت وآنا اماشيك
ولا خفوقي غايته بس يودك
طبعي الكريم اللي تركته يجاريك
رحب باسمك وانت تبدي بصدك
ترحيبتي بالصوت ( اررررحب ) تهلّيك
قلتي (هلا) ..! الله يا شين ردك ..؟!
وين ( البقى ) وينها ( الله يبقيك )
اثر الزعل يا زين بيح بسدك
ماني من اللي بيمسكك يسأل اش فيك
لان المحبه تلغي السر عندك
ولاني بهوجس واتعب الفكر وآتيك
ولاني غشيم الحب ولاني بصدك
كم لي سنين في الهوى .. ما ابغى اعنيك
توك بديت تحب .. اصبحت ضدك ؟!
لا تحسبين ان الغلا منك يجزيك
ما ابغى الغلا ما دامه الحين هدك
القلب سلمته البارح فـ اياديك
دامك تحبه خله يفخر بودك
وكانك تغلّى وتحرجه لى سند فيك..!
رجع خفوقي وابحث لحب قدّك
ليست هناك تعليقات:
إرسال تعليق