ما صفا لي الوقت .. كل ما اقرب \\ جفا ..!
الجروح كثار .. والخافق حزين ..
مبتلي والله .. وبي دمعٍ خفا ..
منطوي بالجفن ..وفي صوتي يبين
..
علميني كيف أوصّل لك وفا ..؟
ان بغيتك قرب .. صرتي تبعدين ..
حيرتي وياك .. ما لقيْت دفا ..
تلتحف بالبعد .. وتبعدك السنين ..
ما لقيتك حتى في جرحي شفا ..
ولا نفع بي طب وانتي تجرحين ..
كل شمع الحب في صدري طفا ..
قلبي المظلم يتعّبه الحنين ..
الأمل بي شاب .. وفي قربك غفا ..
ولى بغيت الوصل .. قلت الله يعين ..
ليست هناك تعليقات:
إرسال تعليق