" مـــوعـــــد ..!! "

,,

تواعدنا انا وانتي .. وقلت ان اللقاء بيحين ..

حضرته قبل موعدنا .. وانتي اللي تأخرتي ..

حسافه ما تلاقينا .. وانا باقي الين الحين ..

ورق هذا الشجر يبّس .. تكدر من تثاقلتي ..

غريبه يا بحر موجك .. يلامسني بلا يدين ..

وكنّه حس بالفرقى .. وانتي ما تحسستي ..

حسافه وش بقى فيني .. عليك الله لا تجفين ..

بقايا اغصان والشاطئ .. تحرّوا جيتك انتي ..

مشت ساعه على الموعد .. مشت ساعه مشت ثنتين ..

وعشان البحر ما يشمت .. سألني ؟ .. وقلت : تعذرتي ..!!