{ .. شخصٍ فاضي .. وتوهته المعاني ..!

تجر قلبي في مشاتك وانا حيّ
الله يلعن شدتي بك تعاني

من قو جرك قلت انا شوي(ن) شويّ
لا تذبح اللي حبك انت ونساني

متبري مني .. وهو صاحبي ليّ
ما هقيت انه عشانك جفاني

قلبي ولدت وخالقه ربنا فيّ
ثم(ن) كبرت وراح عني وعصاني

الله حسيبك رده اليوم بي شيّ
محتاج نبض القلب وسط المحاني

محتاج له يا صاحبي فوقنا غيّ
تمطر سحابة شوق ولابي غواني

مشتاق انا يا صاحبي وكل ما بيّ
يشبه دقايق ما مشتها ثواني

بأختصر لك كل ما صار بي زيّ
شخص طبيعي وأثرت بي أغاني

لاني احب وعاده القلب بي هنيّ
غير فاضي وتوهتني المعاني

ان جيت ابكتب غاب عن فكري الضيّ
واصبح يدور عن معاني وجاني

كل المعاني التافهه جابها ليّ
عكر مزاجي لا هو جاد وعطاني

ودام الشعر بي ناوي له على شيّ
وعزم يسولف لي وصبحه عناني

قررت امشّي القلب يتنفس شويّ
وديته ديارك ولا به اماني

يكذب عليك ان قال في حبكم حيّ
والله انه ما درا بك زماني