ياللي مفارقني وش اخباري الحين ؟
ماعادني طيب والاحوال شينه
البارحه ضيم سبايبه واشين
دورت له زولك ولا شفت بينه
كنت احسبك باقي على الشين والزين
عون تساندني بشينه وزينه
والحين انادي ما سمع غير جرحين
جرح دفنته وجرح قربت سنينه
يا صبرنا نمشي على الشوك حافين
لكنها تجبرك كبر الغبينه
من عقب ما كنا رفاقه يا الاثنين
ثقل البعيد وجعل ثقله يعينه
يالله سوات الدنيا في ذا المحبين
شي طرا والقلب راضي بدينه
واحد بكى من كثر ضيقاته سنين
واذكر زمان كنت اواسيه وينه
وان جاه ضيق الصدر يواسيه بالعين
خله بدمعه وخل تنفعه عينه
محنا بعد عز المخوه ملاقين
ومنهو تركها خلى فرصه ثمينه
صعبه تلاقي في زمانك موافين
محد مسح دمعته الا يدينه
ومنهو رحل من دون سبه ولا بين
الله حسيبه وبين ربه وبينه
ليست هناك تعليقات:
إرسال تعليق