** لـسـمـاعـهـا صـوتـيـًا ,, إضغط هــنــا
دكتور قلبي ما يبي لمسة الساعه
اسمع ونينه قبل تسمع شكاويه
قلبي جريح من الحزن واتساعه
وذاك الحبيب اللي مفارق حكاويه
مدري خذاه الشوق ولا بوداعه
نسيان اسمي راح يتبع خطاويه
دكتور تكفى ويش حل الوجاعه
اللي تصيب القلب وتنحت بلاويه
قلب عليل وعايش له في مجاعه
فقير حب وزاد ذالفقر راويه
روح بعيد عن دروبي وضياعه
يسكن عيوني بين دمعي مخاويه
كل يوم يذرف يذرف الفكر ساعه
ينزل يدور عن وليف يداويه
يرجع لعيني ماحدٍ سمع وطاعه
كل على همه يا كود يقاويه
دكتور قلبي واحد فالخلق باعه
خلا خفوقي ينبض اسم مغاويه
كنا نعيش الحال بسقفه وقاعه
يدي على يده بخيره ومساويه
والحين كل له سبيل وجماعه
وافكار مختلفه ودور يساويه
واحد ضناه الشوق وطوح شراعه
كوده يجدف موج ذالبحر ناويه
دكتور قلبي ما كسب له مناعه ؟
من كثر ما فارق وكثرت شقاويه
دكتور قلبي اعطه الاذن راعه
خله يعاني يمكن الحال كاويه
دكتور قلبي قلبي يشكر سماعه
ما عندك علاجه ولا انت بمداويه
قلبي عليل وعايش له في مجاعه
راح الوليف اللي يعالج بلاويه
واصبح وحيد وشال كتفه متاعه
وهاجر بعيد وباقي الوجد حاويه
ذاك الطريق اللي حضن لي وداعه
ماعاد به شمس ولا الخير راويه
كم ليلة شفت القمر بلا شعاعه
والناس حولي قالوا قمرا اواويه
هذا وليفي يوم اشوف اجتماعه
يضحك لذا العالم وانا الدمع قاويه
كل مشى صوبه وقلبي اضلاعه
كنها تكسر من كثر ناس تاويه
الله يعين القلب كثر انصراعه
يموت حي من الوليف اللي هاويه
مدري بفارق ذا الفراق او اشاعه
كل يوم انا ارجع في طريق ياشاويه
امسك طريقي في الحزن واتساعه
وذاك الحبيب اللي مفارق حكاويه
ليست هناك تعليقات:
إرسال تعليق