قبل ما تغفى المدينة .. وينتشر فيها الظلام ,,
ابسألك .. وين اسافر ..
علميني قبل ما ادمع ..!!
عادها عيوني تكابر ..
علميني قبل ما اخضع ..
وينها دروبي واهاجر ..

نامت انوار المدينة .. وانتشر فيها الظلام ,,
باتت احلامي قديمة .. وانتهى ذاك الأمل ..
صرت احاكيك الشوارع ..
صرت اناديك الشجر ..
ما بقى فيني صبر ..
نامت عيوني حزينة ..

قبل ما تغفى المدينة .. وينتشر فيها الظلام ,,
لامسيني قبل افارق .. واتحسسي فيني الوله ..
هذي كفوفي توادع ..
ولا خذت منك سلام ..
وهذي اشفاهي اتراجف ..
ما قوا قلبي الكلام ..

نامت انوار المدينة .. وانتشر فيها الظلام ,,
صرتي ذكرى أو رواية .. صرت في قلبي حكاية ..
اتصفح اوراقك وانام ..
اذكريني لى غفيتي .. اذكريني لى نطقتي ..
اذكريني في صباحك ..
في مساءك ..
اذكريني وان بغيتي .. في برود ..!
يمكن انفاسي تعود ..!!

قبل ما تغفى المدينة .. وينتشر فيها الظلام ,,
اقطفي بايديك ورده .. راقبيها كيف تذبل ..
كيف تزعل .!!
وانظري ذاك الغصن ..
طِلْعَت ورود ٍ جديده ..
ماتت ورودٍ جديده ..
والورق ..؟ فيها يذبل ..!!

نامت انوار المدينة .. وانتشر فيها الظلام ,,
ناظري للشوق شوفي .. وسط هذا الشوق عيني ..
هيّه تدمع .. هي تعاني ..؟!
هيّه تسهر .. هي تعاني ..؟!
رمش ذابل .. طرف حاني ..!
ياللي (ما عينك) تعاني ..!!